Garraiobide hobea, irisgarriagoa, modernoagoa, seguruagoa eta ekologikoagoa

Betiko TOPOa, orain
metroaren zerbitzuekin.

  • TOPO Trenbide nagusia
  • Lasarte-Oria - Altza trenbidea
  • Hendaia-Bilbao trenbidea

7,5 minutuko maiztasuna

Betiko TOPOa, metroaren maiztasunarekin.Donostia eta Irun tunel bidez lotu izan dituen ibilbidea (izenaren sorburu) gure egunerokoa izan da. Eta etorkizunean ere zentzua izaten jarrai dezan, zabaltze-lanei ekingo diegu, egungo azpiegiturak baliatuz metro maiztasuna eskaini ahal izateko.

3 geltoki berriak

TOPOaren zabaltze-proiektuak zerbitzu handiagoa eta hobea eskainiko die hiritarrei Benta Berri, Kontxa-Erdialdea eta Easoko geltoki berrien sorrerarekin. Azken horrek egungo geltokia ordezkatuko du, lur azpian eraikiko den azpiegitura berriarekin, eta 21.000m2 aske geldituko dira erabilera publikorako, trenbide-gunea ezabatuko baita.

Eraikuntza-lanak,
pausoz pauso

Hobekuntza guztiek eragiten dute esfortzua, eta ongi dago. Oraingoan, eraikuntza-lanen itxura izango du. Lan horiek ondorengo lau urteetan zehar egingo dira, betiere ahalik eta eragozpen gutxien sortuz.

01
2017ko
urria

Obrak hasi baino lehen, ibilbideko eta inguruetako eraikuntzen ikuskatze-lanak egiten dira.

02
2017ko
azaroa

Indusketa-lanen hasiera hirigunean, obren lehen zatia; hau da, Lugaritzetik Mirakontxarako tartea.

03
2018ko
martxoa

Indusketa-lanen hasiera Eason, obren bigarren zatia; hau da, Mirakontxatik Easorako tartea.

04
2019ko
amaiera

Indusketa-lanen hasiera Donostia erdialdean (Londres Hotela-San Martin eremua).

05
2022ko
hasiera

Zerbitzu berria martxan.

Ba al daukazu galderarik?

Proiektuaren edota eraikuntza-lanen inguruko galderarik edukiz gero, ondoko bideetara jo dezakezu erantzuna aurkitzeko.

Hiritarren galderak atala

Bertan, hiritarrek egindako galderen erantzunak topatuko dituzu. Zure zalantzen erantzunak topatu ezean, erabili postontzia galdera bidaltzeko. Galdera lehenbailehen erantzuten saiatuko gara, eta gainontzeko hiritarrentzat lagungarria izan daitekeela iruditzen bazaigu, atal honetan argitaratuko dugu.

Hiritarren galderetara joan

Easo TOPOgunea

Easoko geltokian TOPOgunea kokatu dugu, bertatik igarotzean proiektuaren inguruko nahi adina informazio jaso dezazun. Arreta-ordutegia honakoa da: 10:00 - 13:00 / 16:00 - 18:00. astelehenik ostiralera.

Google Maps-en ikusi