Zure TOPOa
Zure TOPOa betiko TOPOa da, baina hobe. Geltoki gehiago dituen zerbitzua, azkarragoa eta hobeto konektatua. Donostiarren benetako beharrei erantzutea helburu duen bilakaera.
Eraldaketa hori hainbat fasetan gertatuko da, eta, horri esker, sare berria pixkanaka aktibatzen joango da. Hemen kontsulta dezakezu nola aldatuko den zerbitzua etapa bakoitzean eta zer eragin izango duen eguneroko ibilbideetan.
Altza eta Galtzaraborda arteko tren-saihesbidea martxan jarriko da, eta Pasaian geltoki berria izango du.
Altzako kale itsua kendu eta Hendaiarainoko lineari jarraipena emango diogu. Altzan eta Pasaian zerbitzua areagotuko dugu, 7,5 minutuko maiztasunarekin, eta jarraian Galtzarabordara ere hedatuko da, une honetan egiten ari diren estaltze-lanak bukatu bezain laster. Gaur egun Antxoko barrutia bitan banatzen duen trenbideko biaduktua ere eraitsiko dugu.
Lugaritz eta Amara arteko 4,2 kilometroko lurpeko saihesbidearen zerbitzua abiatuko dugu.
Beste hiru geltoki: Bentaberri, Kontxa Zentroa eta Amara. Amarako kale itsua ezabatuko dugu.
Loiolako Erriberako aldageltokia martxan jartzeak Gipuzkoako hegoaldetik datozen Renfeko aldirietako trenen sareko erabiltzaileak Euskotrenekin lotuko ditu, izan ere, Euskotrenek ekialdetik mendebalderako trenbide-ardatza estaltzen du. Gaur egun, eraikitze proiektuaren idazketan dihardugu.
Gune berean bi geltoki berri dituen aldageltoki bat, Euskotreneko eta Renfeko zerbitzuen erabiltzaileen joan-etorria errazteko.