TOPOaren lanak aurrera doaz, eta eraldaketa dagoeneko sumatzen hasia da hiriko hainbat puntutan.
Urtea amaitu baino lehen gauzatuko den mapa berri hau eraldaketa baten erakusle da: auzo eta udalerrien arteko lotura hobetzeaz gainera, joan-etorrien denbora murriztuko du, eta Donostiako eta inguruko mugikortasuna eraldatuko du.
Urte askotako lan korapilatsuen ondoren, proiektuak beste fase bati helduko dio orain; hiri-integrazioa eta etorkizuneko geltokien zerbitzuaren abiatzea ardatz dituen faseari.
4.2 km-ko ibilbide zabalera
7'5 minutuko maiztasun berria
3 geltoki berri
6 sarbide puntu berri
21.000 m2-ko gune publiko liberatua
Kimika, Arkitektura, Haur Hezkuntzako Gradua edo Donostiako campusean eskaintzen dituzten diziplinetako beste edozein ikasten ari direnak erosoago edo zuzenago joan ahalko dira fakultatera, Benta-Berriko geltoki berriari esker. Bestalde, eta Hendaia-Zumaia ibilbidea linea zirkular bihurtuko denez, ez duzu zertan trenez aldatu. Esate baterako, gaur egun Easoko geltokian trenez aldatu behar duen Errenteriako ikasle batek jada ez du tren-aldaketa hori egin beharko.
TOPO bidez bidatuz gero, lana dela-eta egunero bere herri edo hiritik beste nonbaitera joan behar duen erabiltzaile batek diru asko aurrez dezake (gasolina, bidesariak, aparkalekua, eta abar). Adibidez, Amaran bizi den baina Antiguan lan egiten duen langile batek, edota lantokia Donostiako erdialdean duen Orioko bizilagun batek. Gainera, irakurtzeko, telesail bat ikusteko edo atseden hartzeko aprobetxa dezakezu tren-bidaia.
Trenak gainerako garraiobideetatik aparte funtzionatzen du. Lurpean dagoenez, ez dago hiriko trafikoaren eta bestelako baldintzatzaileen eraginpean. Adibidez, TOPO bidez, ehunka pertsona irits daitezke Zarautzetik, Lasartetik edo Irundik Errealaren partida batera hiria kolapsatu gabe eta auto-ilarak saihestuta.
Alde Zaharrean kuadrillarekin afaldu eta Usurbilera joateko edota Bentaberrin hainbat orduz lan egin eta Intxaurrondora itzultzeko maiztasun handiagoko zerbitzua izateaz gain, TOPOak garraio seguruko zerbitzu bat ere eskaintzen die erabiltzaileei. Angelu itsurik gabe, gauez etxera itzultzeko bidaiak seguruagoak izateko estandar guztiak betetzen dituzte TOPOko estazioek.
Auto kopurua murrizteko eta espazio publikoa oinezkoentzat, bizikletentzat eta berdeguneentzat berreskuratzeko modua da. Gainera, hirira sartzeko puntako orduetan auto-ilarak eta trafikoaren saturazioa saihesten dira. TOPOaren zabalkuntzak, halaber, Donostiako Isuri Gutxiko Eremu berrira (IGEra) egokitzen laguntzen du, mugikortasun jasangarriago eta eraginkorragoa sustatuz.
Gipuzkoan ezagutzea eta berriz ere bisitatzea merezi duen txoko ugari daude. Nolabait, TOPOari esker, leku interesgarri horietatik gertuago egon gaitezke eta garraiobide jasangarri bat baliatuta goza dezakegu halako tokiez. Adibidez, Zarautzera arratsalde pasa joan nahi duen Pasaiako surflari batek, edo Antiguan bizi den eta Itzurunera (Zumaia) piknik bat egitera joateko plana duen bikote batek.
TOPOgunea hiritarrei TOPOaren zabaltze-proiektuari buruzko beharrezko informazioa eskaintzeko sortu da. Bertan, zu bezalako hiritarrei sortutako zalantzak, webgunean argitu ez direnak, argituko dizkiegu.
TOPOgunea Easo AmaraEasoko Euskotren geltokian ere eskainiko dizugu arreta ondoko ordutegian
Astelehenetik ostiralera 08:00-15:00.
T: 943 50 43 56
E: topo@ets-rfv.eus
Urtean egiten diren 6,7 milioi bidaietatik %60 Donostian bizi ez diren pertsonek egiten dituzte. TOPOa donostiarrentzat zein gipuzkoarrentzat da (bereziki, inguruko herrietako biztanleek erabiltzen dute). Hori dela-eta, azpiegiturak handitzearekin batera, Gipuzkoako biztanleak unibertsitatera edota lanera modu zuzen, eroso eta jasangarriagoan bertaratu ahal izango dira.
Bai, hirurak erabili ahal izango dira TOPOko geltoki berri guztietan, Euskotren-ETSko gainerako geltokietan bezala. Geltoki bakoitzak tornuak ditu zure bidaia balioztatu ahal izateko.
Bai, Pasaiatik Zumaiara bidaiatu ahal izango duzu trenetik jaitsi eta denborarik galdu gabe.
